Angerlarsimaffeqanngitsumut tamakkiisumik suliniuteqarneq namminerisamik ineqalernissaq anguniarlugu
Suliniut pilersinneqartarpoq najoqqutaralugu SEL §82b aammalu VoksenBøgen immikkut ittumik ukkataqarnermi ersarissumik Housing Firstimut anngunnissamut.
Innuttaasup pisariaqartitsinera aallavigisarparput
Neqeroorutigisarparput ingerlanissaq, ikiorneqarnissamik tamakkiisumik pisariaqartitsineq innuttaasunit angerlarsimaffeqanngitsunit tarnimikkut nappaatilinnit, atuipiluttunit/-aammalu imaluunniit sociaalimik ajornartorsiuteqartunut. Tamatigut pilersitasssat naggasertarpagut sukumiisumik erseqqissumillu innuttaasup piginnaasaanik ilaajaanernik, aporfigisinnaasanik aammalu pisariaqassaappat siunissami ikiorsiinikkut pisariaqartitat pilersaarusiortarlugit.
Sullinniakkat
Piffissami sivikitsumi akuersisoqarsinnaavoq periuseq Housing First aallaaviginngikkaluarlugu. Imaassinnaavoq innuttaasunut oqitsumik, ingasanngitsumik imaluunniit sakkortuumik tarnimikkut, eqqarsartaatsimikkut socialikkulluunniit ajornartorsiuteqartunut. Innuttaasoq marloqiusamik ajornartorsiuteqarsinnaavoq, soorlu atuipilunnermik, alliartornermini unamminartorsiornikuunerminik taakkuluunniit assigisaannik.
Pilersaarusiorneq periuseq Housing First atorneqarsimappat aallaaviit tunngaviusut ukuussapput, innuttaasoq imminerisaminik inigisassaminik inissinneqassasoq, kingornagullu ajornartorsiutaasut qulaajarneqassasut aalajangiiffigineqarlutillu VoksenBøgemit ineqarnermut ikiorsiinermi sulisut arlaannit.
Inissisimaffik sinaakkutillu
Suliaq qaamatit arfinillit angullugit atuuttussatut aalajangiiffigineqarsinnaavoq. Innuttaasup suleqataanissa qitiutinneqarluinnartussaavoq taamatut aaqqiinerni, tamatigungajak aamma periaaseq CTI-malingajallugu atuineq, innuttaasup inuunermini sanngiiffeqartarnera isiginiarluarlugu, soorlu imminerisaminik initaassaguni sivisuumik angerlarsimaffeqanngereersimanermigut.
Sulisut
Suliamik naammassinninneq VoksenBøgenip ineqarnermut ikiuiniarneranut immikoortortaqarfik aallaavigalugu pisarpoq, anguniarneqassalluni sulisut tamarmik sulinerminnik naammassinninnissaminnut CTIp piumasarisaasa malitsinniassallugit.
Ineqarnermut ikiuiniarnermut sulisut innuttaasumut attaveqarnera assigiinngitsumik malunnaateqarsinnaavoq, attavigisaq suliap aallartinnerani qanittuaraasarmat, kingornalu attaveqaatit allat ikiuiniartut suliaq tigusarlugu. Ineqarnermut ikiuiniarnermi sulisoq akisussaasarpoq suliaqartut allat tunngassuteqartut ilanngutsinnerannut, matumuunakkut atuipiluttunut suliaqartut, psykiatri, jobcenter, kajumissutsiminnik suliniaqatigiiffiit assigisaallu.
Akia
Suliamut akiliineq aallavittut kr. 405 angitigisarpoq tiimip aallartsinneraniit, kisianni immikkut ittumik pisoqartsillugu akigititaq isumaqatigiinniutigineqarsinnaavoq suliamut tunngassuteqartoq ataasiakkaamillu naliliineq aallaavigalugu.
